التدخين

الرئيسية / التدخين

 

مش عاوز ادخن

انا عاوز ابطل السجاير وش قادر كل اما ابطل ابطل شهر اتنين وارجع لها تانى
الموضوع محتاج ارادة قوية دائمة. لماذا رجعت بعد شهرين؟ استمر شجع نفسك، ثم اشغل وقتك وتفكيرك باشياء مهمة. شاهدت في برنامج تلفزوني رائي يقول عندما ترغب في التدخين قول لا بعد شوية مش الان، اجل التدخين. ثم امسك السجارة في ايدك ولا تشعلها، خليها في ايدك هتشعر بمتعة التدخين دون ان تدخن حتى تبطل التدخين نهائيا.
بسم الثالوث كويس قوى انك عايز تبطل السجاير بس لازم يكون عندك ارادة قوية ولازم كمان تصلى كتير وتطلب معونة ربنا ويكون عندك ثقة انه مش هيسيبك وحاول تشغل نفسك بانشطة مختلفة فى الكنيسة . وربنا معاك
الموضوع اراده يا عماد و تصميم و انت قادر تثبت لنفسك انك ارادتك قوى جدا جدا وتقدر تتغلب على نفسك و تنتصر عليها وربنا معاك
انت بتدلع يا عماد كونك انك تبطلها شهر ولا اتنين يبقى عندك القدرة انك تبطلها خالص بس بتدلع وانت مش عاوز تبطلها ربنا يقويك وتبطلها ربنا معك اوع تزعل
وانا زيك مش عارف ابطلهابس اكيد العيب فينا احنا صليلي.
برجاء قراءة مقال “التدخين أولى خطوات الادمان”. فى الحقيقة أنت لا تريد أن تنهى عادة التدخين و لكن تنقصك العزيمة و الإرادة. و لذلك يلزمك الصلاة القوية مع العزيمة الصادقة لتبطيل هذه العادة المسيطرة عليك. قل لنفسك أنك أصبحت عبد للسيجارة و أنك ضعيف أمامها. قل لنفسك كم من الأمراض الخطيرة و السرطانية تصيب المدخن، و أحياناً من حوله أيضاً بسبب التدخين السلبى نتيجة إستنشاق دخان السجائر. أنا لى قريب صغير أصيب بحساسية مزمنة فى صدره بسبب أن والده يدخن فى المنزل. هل تريد ذلك لأبنائك سواء الآن أو فى المستقبل؟!! قف برجولة مع نفسك أمام السيجارة و قل “أستطيع كل شئ فى المسيح الذى يقوينى”.
الانسان الذى ينوى على فعل شئ أعتقد أنه يقدر على عمله أما أنت فلم تأخذ قرار نهائى وصارم حتى الآن للإقلاع عن التدخين فهناك الكثير أقلع عن التدخين لأن لديهم إرادة قوية فهل أنت مثلهم / جمال رياض
عماد انا سالت زملائى كتير فى موضوع السجاير ده وعرفت انها موضوع تعود قوى فانت محتاج انك ذى ما اتعودت انك تشرب السجاير انت محتاج انك تتعود متشربهاش مش لازم تبتدى انك تبطلها مرة واحدة خدها بالتدريج واعمل لنفسك عقاب قوى انت الى تحده لمل ترجع خطوة نفذ العقاب وصلى قوى علشان ربنا يقف معاك ربنا معاك وانشاء الله فى اقرب وقت انت هتبطل السجاير
اقتنع:بخطورة التدخين اشبع: بربنا يسوع المسيح امتنع : بارادة قوية لانها اساس العلاج عند الاقلاع؟؟؟؟؟؟؟؟؟؟؟؟؟؟ 1- تذكر دائما اضرار التدخين من جهة صحتك و اسرتك و مالك و ابديتك. 2-ثق بنفسك و قدرتك على الاقلاع. 3-اختر يوما محدداللاقلاع و اخبر عائلتك و اصدقائك بتاريخ هذا اليوم. 4-فى صباح هذا اليومتخلص منكل ما يذكرك بالتدخين. 5-اشرب الكثير من الماء و السوائل ولكن حاول استبدال القهوة والشاى والكوكاكولا بمشروبات اخري تفضلها كالعصائر. 6-لا تتناول الاطعمة الدسمة واكثر من الفاكهة و الخضروات الطازجة. 7-ابق فمك مشغولا دائما بتناول حبات النعناع او اللب او اى شئ اخر. 8-تجنب الجلوس فى اماكن بها تدخين. 9-اذا احسست برغبة ملحة فى التدخين فهذا طبيعى ..قاوم هذه الرغبة فسوف تختفى خلال دقائق معدودة. خذ نفسا عميقا واشغل نفسك خلال هذة الفقرة باى شئ. 10-فترة الصوم من انسب الاوقات لبدء التوقف عن التدخين مع ممارسة وسائط النعمة والتوبة والاعتراف والتناول. 11-حاول الابتعاد عن كل ما يثير اعصابك خلال الفترة الاولى. 12-مارس بعضا من الرياضة الخفيفة مثل المشى فى الهواء الطلق يوميا. 13-اذا لم تستطع ان تنفذ هذه الخطوات وحدكفاستعن بطبيب او بمن يمكنه مساعدتك,. 14- المهم لا تتوقف عن محاولات الاقلاع حتى تنجح ….. marian
محتاج ابطل السجاير ومش عارفبرغم من انى نزلت خدمة ومشترك فى كورالومش عارف اعمل اية
عماد لازم يكون عندك اراده قويه وبص اقرا كتب عن التدخين وقراء موقف الكنيسه عن التدخين وياريت حض امامك ايات وضع على طول في فمك وجيبك لب وبومبونى وغيرها والرب معك وتمسك بمسيحك
سلام الرب يسوع يكون معك عيايز تبطل السجائر حط فوق علبةالسجائر صورة للبابا كيرلس السادس وانت مش هاترجع لها تاني عن ثقة
كلام اخواتى اللى سبقونى هيفيدك بس… لو بتفكر أنك تبطل السجاير لأنك عايز تبطلها علشان هى وحشة … ومضرة …..و بتخلى الناس تيعد عنى ….و و … يبقى عمرك ماهتبطلها حاول تفكرفي إن مش من طبيعتك أنك تضر نفسك مش من طبيعتك أنك تضر اللى حواليك مش من طبيعتك إن أى حاجة مهما كانت تسيطر عليك!! مش من طبيعتك أنك متقدرش تتحكم فى نفسك ولكن لو انت انسان اعتمادى مالكش إرادة فا دى مشكلة تانية حاول تلاقيلها حل الأول ممكن تحاول تشغل نفسك ووقتك بحاجات مفيدة وحاول تركز فيها لفترة طويلة بس ميكنش التركيز ذهنى بالسرحان فيها والصلاة من غيرها صعب تلاقى الرحمة صل لأجلى hany 007
ثلاث كلمات ذهبيه للانبا موسى فى هذا الموضوع : 1. اقتنع: بخطورة التدخين 2. اشبع: بربنا يسوع المسيح 3. امتنع: باراده قويه و انا اعتقد انه من غير اشبع مش حتقدر تبطل لانه النفس الشبعانه تدوس العسل فلازم تكون شبعان بالمسيح و ده من خلال 1. تتحد بيه بالتناول 2. تكلمه فى الصلاه 3. تسمعه فى الكتاب المقدس و اخيرا ربنا عنده نعمه تكفى انك لما تشبع بيه تقدر تبطل و افتكر دايما قول بولس الرسول : استطيع كل شيئ فى المسيح الذى يقوينى.
انا اعتقد انك لو عايز تبطل تدخين هتبطل لو عايز رائى اطلب من مارجرجس يسعادك وصدقنى انك هتحس انك هتندم انك كنت بتشرب سجاير انا هصلى ليك لو ممكن تصلى ليا ماجد
يا سيد عماد أحييك لأنك عايز تبطل السجاير لكن أنا عايز أحكيلك حكاية والدى مع السجاير و خلصت معانا على إيه أولا أبويا كان ممكن يشرب 3علب كل يومين و كان مدخن بشع وأنا كنت من صغرى فى الكنيسة و إدونا دروس وأنا فى إعدادى و ثانوى عن السجاير وأضرارها و أثرها على علاقتنا بالله لذلك كبرت وأنا بكره السجارة وتقريبا أثرت أوى على علاقتى بوالدى و كنت بتكلم معاه كتير عشان يبطلها لدرجة إنه من كتر ما زهق منى قالى بالحرف الواحد : ( إيليا تاخد سجارة وتسكت ) مع أنه يعلم مدى كراهيتى للسجاير و مدخنيها و لما إتخذت معاه كل الطرق و منفعتش رحت إعترفت و كلمت أبونا فى الموضوع ده قالى صلى من أجله إن جيت للحق أنا كنت مهزوز فى إيمانى وأنا بصلى لكن فى مرة و أنا بصلى فكرت فى أبدية والدى بكيت أوى عليه و أنا بصلى و طلبت من ربنا إنه يرحمه و يحافظ على أبديته و قبل الدراسة السنة دى إجتماع أسرة الكلية عمل مؤتمر فى دير مارجرجس بسيدمنت رحت و رجعت لقيت أبويا فى العناية المركزة إتخضيت جدا و سمعت إنه جاله ألم رهيب فى مع ضيق تنفس لمدة ساعة إلا ربع و فى تانى يوم اما رحت أزوره دخله الدكتور و قاله أنت شكلك لسه صغير على أمراض القلب و السكر و الحاجات بتاعت العواجيز دى و بعدين سأله أنت بتدخن رديت أنا و قلت دا حريقة يا دكتور لكن فؤجئت بوالدى يقول له يا دكتور أنا مبطلها بقالى أسبوع الدكتور قاله فى إحتمال إنه يكون عندك ضيق فى الشرايين عموما هايبان فى الأسطرة و أما عملوله أسطرة الدكتور قاله إحنا لازم نعملك عمليه دلوقتى حالا لأن عندك إنسداد فى 3 شرايين فى القلب أنا مش عارف أنت كنت عايش إزاى الفترة اللى فاتت بس الحمد لله إن أبويا بطل السجاير و لحق نفسه وعاش بمعجزة و لو أنت تحب تعيش حياة أبويا المليئة بالمغامرات غير محسوبة العواقب خليك مدخن

 

مشاركة المقال