Tag Archives: التعارف

الرئيسية / Posts tagged "التعارف"

التعارف والزواج من خلال الانترنيت؟

تعرفت علي شاب منذ سنه من خلال الشات واحببته وكنا متواصلين الحديث وفجاه تغير اصبح معي غير الاول قولوا لي ماذا افعل هل انا احببته ولا مجرد اعجاب.         اختكم  أرينى

ردرود الشباب 
اولا: الشات للتعارف و ليس للزواج اذن من الخطأ التعلق بشخص عن طريق الشات دون ان تريه او تعرفى عنه اى شى ثانيا: على حد معلوماتى انك عندك 18سنة يعنى لسة بدرى على الحب و الزواج و اذا حصل و حسيتى باى مشاعر تجاه اى شخص فهذا ليس من الله و لكنه حب مراهقة ليس ناضج لنك لم تبلغى السن الذى يدرك معنى كلمة الزواج ثالثا: كان عليك فى اول الأمر ان تصلى الى الله و تطلبى معونته و ارشاده و ايضا طلب ارشاد أب اعترافك الذى يعرف كلمة الله و هو يرشدك الى الصواب و ارجو ان تتبعى هذا النظام فى اى موضوع و انتى فى سن فيجب علينا استشارة الله فى كل شى كبير او صغير اخيرا: ارجو منك التخلص من معرفة هذا الشخص و ان تلجأى الى الله فى كل شىء
شوفى يا ايرينى علاقه الحب اللى المفروض انها هاتودر بارتباط الزيجه المقدس لازم ليها شروط بمعنى انه لازم تكونى عارفه طباعه و شخصيته و طريقه تفكيره و يبقى فيه تقارب منكم هل انى عرفتى كل ده عن طريق النت؟ علاقه النت مش كافيه علشان يبقى فيه علاقه حب لازم الاتنين يعرفوا بعض كويس وزى ما عمل شات معاكى اكيد بيعمل مع غيرك و اكيد ارتبط مع غيرك برضه علشان كده انتى حاسه بالتغير المفاجئ ده وربنا معاكى
انا عندى رائى معرفش هيفيدك ولا لاء سؤاء اعجاب او حب الاتنين مشكله لانك اعجبتى بيه يعنى فى شويه تمسك بيه او حبيتيه ده يبقى لازم تكونى بتكلميه كل يوم بس المشكله مش هنا المشكله انك اتعلقلتى بيه بس الحل واحد انك ممكن تبعدنى كل يوم لانى بصراحه مش بشجع جوزات النت . اتمنى انى اكون فدتك ولو بكلمه واده اختك جيسين
يا اختى ايرينى دة ممكن يكون اعجباب مش اكتر او فية حاجة شدتك فية حاولى تعرفى شعورك الاول ناحيتة وبعد كدة تحددى موقفك منة اخيكى جووووووووووووون
بصى سؤا اعجاب ولا حب الاتنين مشكله بس الفرق انك لو مهتمه بيه جدا كل يوم بتكلميه لو مدخلش عاوزه تعرفى فى اى عاوزه تتطمنى عليه بطريقه او بلتانيه هوه ده الحب اعجاب بيكون عجباكى تصرفاته ردود فعله لو مكلمتهوش مش مشكله لكن لو لو فعلا متمسكه بيه من النت ومعرفتكم من النت سامحنى انى اقولك بلاش تكملى معاه لانى ضئيل جدا لما حد بيكون صادق على النت . سمحينى لراىء واتمنى اكون فدتك ولو بكلمه واحده
قد تكونى أحببته فعلاً .. أما هو فقد تسلى بك حتى شبع و رماكى حتى يبحث عن غيرك يشبع من غيرك. للأسف فكثير من الفتيات ينقدن خلف أوهام و قد يبحن بأسرارهن و أسرار بيوتهن، و قد يرسلن صورهن إلى شباب حقير لا هم لهم سوى العبث بمشاعر البنات الساذجات. ليته يكون درس لك و عبرة لمن لا عقل لهن.
اختى ارينى هذا ليس حب من فضلك انتبهى لنفسك ليس كل من تكلميه وتخاضيه يكون يحبك ممكن بيكون بيضحك عليكى واختى اقول فى الاول والاخر كل الاشياء تعمل معا للخير للذين يحبون الرب
I do NOT think its Love.. U mught have liked one aspect of his personality. I do not believe that you know him sufficiently to say its love. If he changed for the worst then respond as you would with any other acquintance
هاى أيرينى التعرف عن طريق الكمبيوتر لمن يكن كافى لمعرفة الانسان بما فية من شخصية كان لازم تكونى حكيمة عن كدة مش بس الكلام هو الحكم على الشخص (ربنا معاكى )
الأخت ايرينى : التعرف بشخص على الانترنت هونوع من التسلية لكن من الخطأ أن يصل هذا الأمر الى الارتباط والاعجاب فهذا يعتبر خطأ كبير جدا أرجوا إعادة النظر فى هذا الأمر ، عير أن الشات ليس كل شئ فى الانترنت لأنه غالبا ما يكون مضيعة للوقت لذا يرجى استخدام النت فى شكله الصحيح والمفيد والبناء وليس لضياع الوقت – والرب معك / جمال
سلام ربنا ونعمتة عليكى يا ايرينى سامحينى يارونى لو قلت لك انة دة مش ممكن يكون حب علشان الحب مشش بيتبنى على كلام الشات انتى ممكن تكونى اعجبتى بشخصيتة او باسلوب كلامة او______ لكن حب دة كلام صعب ياريت مش تحاولى تقولى لنفسك انك بتحبية لان كلامك دة لنفسك ممكن يخليكى تحبية بجد ثقى تماما ان ربنا خلاة يتغير معاكى علشان مش يخليكى تتعلقى بية اكتر كمان خليكى واثقة انة ربنا فى الوقت المناسب هيبعتلك الانسان الكويس اللى ربنا عارف انك هتكونى سعيدة معاة ربنا يحافظ عليكى ( يكون معاك ما يكون عليك ) ابونا اندراوس الصوئيلى        اختك رولا
انتى ممكن تكونى اعجبت به و حبتيه بس هو شاب بيتسلى و لما لئى الموضوع ألب بجد قال يتسلى على غيرك ف ياريت تخلى بالك من نفسك
يا اخت ايرينى الحب لايمكن ان يكون مجرد كلام بين اثنين من خلال الشات ولكن لابد ان يكون من خلال التقرب من وجهات النظر وهذا لابد ان يكون من خلال التقابل والمعرفة والدخول فى مواقف معينة توضح لكى شخصية هذا الشاب ، وبالتالى تعرفيه جيدا . وانا ارى ان هذا مجرد اعجاب فقط وليس حبا حقيقيا ، فانتى الأن فى سن صغيرة والعمر قدامك ، فلا داعى للإستعجال فى مثل هذا الموضوع . اتمنى لكى التوفيق المهندس / سيمون
اختى ايرينى سلام ونعمة انا قريت رسالتك وغالباً كل الردود لحد ما كتبت الرسالة انتى مش صغيرة فى السن ويمكن تكونى فى اوائل مرحلة جديدة فى حياتك محتاجة التغيير مش غلط اننا نغلط الغلط اننا نتمادى فيه وانا شافية انك انسانة عندك إرادة وحساسة جدا بدليل ان الانسان اللى اتعرفتى علية حاسيتي بيه عن طريق الشات بس مشفتهوش وبرضة لمجرد التغيير من الشات حاسيتي بيه الجميل فيك انك بتطلبي النصيحة يعنى محتاجة ليها بصي يا اختى الصغير احنا نعالج الموضوع بسرعة علشان الوقت اولاًًً: مفيش اكثر من نصيحة اب اعترافك بعد ما يحللك ويعطيكي ارشادات وتكونى صادقة فيها مع نفسك ومع ربنا. ثانيا: ابتعدى عن النت فى الاوقات اللى كنتى بتعملى فيها شات مع نفس الشخص ولو فتحتى ولقيتى رسائل حاولى تمسحيها من غير ماتقريها وحاولى فى كل شئ ان يكون جواكى صلاة يسوع والافضل كمان انك تبتعدى عن الكمبيوتر طوال الفترة القادمة لحد ما تغذى نفسك وروحك بالاعترافات و المناولة واشغلى نفسك فى امور تبنى ما فقدية فى حياتك الروحية بقراءة الانجيل لوافضل ليكي لو خلوه فى احد تلاديرة لعمل استرجاع لحياتك كلها وتسلميها للرب يسوع وقدمى توبة علة الشئ اللى صدر منك فى لحظة ضعف اريني انا مش عايزة اطول عليك بس اللى عايزة اقولة انك لسة فى بداية حياتك ومتسلميهاش لاي حد يلعب بمشاعرك بمجرد كلمات معسولة انت مش ملك نفسك انتى معاكى وزنة هيا عواطفك ربنا حايحسبك عليها استغليها فى حب الاخرين وفى مساعدة غيرك مدام ربنا خصك بهذه الصفة ممكن يكون غيرك محروم منها . سيبي ربنا يتمجد فى حياتك معلش كان نفسى اكلمك اكتر بس الوقت طمنينى عليكى صلي لاجلي اختك بربارة
فى فرق كبير ياايرينى بين الحب و الاعجاب و الحب عشان يكون صادق فعلا و يؤدى الى الارتباط لازم يكون بين شخصيتين ناضجين فاهمين بعض كويس مش عن طريق الشات لكن من خلال تعاملاتهم اليومية مع بعض ولازم كل طرف يقبل الأخر بكل عيوبة و مميزاتة لكن للأسف يايرينى اللى بيحصل فى الشات غير كدة خالص لأنك بتكلمى شخص مانتيش عارفة ان كان صادق ولا لأ !! مانتيش عارفة ظروف حياتة و البيئة اللى اتربى فيها ! عشان كدة ياايرينى لازم تصارحى أب اعترافك وهو أكيد هيرشدك للطريق الصح اللى يريحك و ربنا يكون دايما معاكى
هااى ارينى , مش شرط كل واحد تكلمية ويقولك كلام حلو ويكون زووق معاكى يبقى خلاص حبك لانة طبيعى المفروض ميقولش غير كدا لانة ميعرفكيش ,بس المشكلة عندك انت لانك مقدرتيش تسيطرى على نفسك بصى اسالى نفسك ليه تعجبى وتحبى واحد انت مش باله اساسا وتتعلقى بيه , انت مش صغيرة علشلن تقعى فى موقف زى دا انت عندك زى ما شفت 18 سنة ومش كبيرة قوى علشان اول واحد يكلمك تحبية بصى قدامك اد ايه ولسة هتقبلى ناس اد ايه وتحتكى بيهم , وحطى فى علمك ان الانسان ميعرفش انسان تانى ئلى بالمعاشرة حتى المخطوبين بعد ما يجوزوا بيكتشفوا حاجات معرفهوهاش فى بعض قبل كدا , انت مش صغيرة علشان تقعى فى اول موقف يقابلك مع جنس تانى كونى ذكية وحذرة وربنا معاكى وكل حاجة قوليها لاب اعترافك علشان لو مبتعرفيش تسيطرى على نفسك هو يبقى معاكى وخليكى ذكية .
سلام ياايريني أحب اقولك على حاجة ممكن متكونيش واخدة بالك منها و هي ان الانسان ما بيتعلمش ببلاش في الحياة و ده أكيد موضوع هيخليكي ترتبي حياتك من جديد و تحطي أولويات في حياتك … فيه حاجة كمان عاوزة اقولها هي ان ربنا بعتلك رسالة من خلال الموضوع دة … هي انه عاوزك تحبيه زي ما حبيتي على الشات و صدقنيي هو عاوز يقولك كدة فعلا انتي ممكن تكوني حبيتي شخص عمرك ما قابلتيه و لا هتقابليه و رغم كدة بالك و مشاعرك فضلت مشغوله بيه سنة كاملة و كان عندك استعداد تكملي لكن ما حصلش …. ربنا برضه احنا ماشوفناهوش لكن ايه الصورة اللي حطناها في خيالنا من ناحيته …. المسيح عاوز يقولك انتي حبيتي يا ايريني واحد ماشفتوهوش و أنا كمان ماشوفتنيش حبيتيني اد اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلام المسيح للجميع للاسف كل البنات بتقع في أوهام وخيالات صدقوني الحب ده تعب اعصاب علي الفاضي يعني عذاب ووجع قلب وفي الاخر البعد ياريت يا ايرين تروحني حبك ده لربنا أديه للفعلا يستاهله للي إشتراكي بدمه علي عود الصليب صدقيني عمر ما الشاب اللي بيحب بنت بطريقة مش كويسة عمره ما هيتجوزها صدقيني أطيش شاب لما يجي يتجوز بيختار أادب بنت ياريت تفكري قبل ما تدخلي اي علاقة ايه أخرتها ايه مكاسبها وأيه خسايرها واكيد الخسارة اللي هتاخد اكبر نسبة ارجوكي مثلي المسيح في كل تصرفاتك خليهم يشاورو عليكي ويقولوا ديه فعلا بنت المسيح حطي مبدأ انه لا للحب اوهبي حبك لاتنين بس للفاديكي واللي بعدين هيتجوزك قربي من ربنا اكتر اشبعي بيه لانك محتاجاه فعلا اتمني اني اكون اختك ياريت تذكريني انا الحقيرة جداااااااااااااااا اختك أنجيل
عزيزتي ايريني الرب يحفظك وينير بصيرتك لان مشاعرك هذه هي عبارة عن مجرداعجاب ولان بحكم سنك مشاعرك نشطة في هذة الفترة فنصيحتي لك اجلسي مع اب اعترافك واتناقشي معاه في الاشياء التي تؤرقك وتنهكك في التفكير ويليتكي تحكمي عقلك ولاتتركي لمشاعرك العنان فالنت ليس كافيا ابدا لمعرفة الناس فيوجد اشخاص قد تتعاملي معهم سنين ولا تعرفي حقيقتهم الا بالمواقف حين تحتاجي مساعدتهم او من خلال معاملتهم مع الاخرين فلا تتسرعي واشبعي حبك في المسيح اختك/فرونيكا
صدقيني لو من سنة عملتي شات مع ربنا يسوع المسيح و قضيتي الساعات دي معه و احببتيه لعرفتي مدي حبه لك وانه لن يتغير من نحوك لانه ليس عنده تغيير و لا ظل دوران (يعقوب 1 : 17) كلمة اخيرة اقولها لمحبي الشات ان ربنا يسوع المسيح الشات عنده 24 ساعة وبدون فلوس و هيحبك و يفرح بك ..معلش سامحوني لاني زي النيل احيانا موجي بيكون عالي
اختي ايريني احترسي من صداقات النت لانه وسيلة للتعارف لتبادل وجهات النظر بس فممكن ابقى معجب بوجهة نظر واحد لكن تبادل المشاعر-مثل الحب اوالصداقة-من خلال النت شيء مرفوض و انشاء الله ده مجرد احساس عابر و هيروح لحاله قريباً
كنت اتحدث منذ ايام مع احد صديقاتى فسألتنى عن الحب على الانترنت. فقلت لها الاتى: النت لوحده مش كفاية لأى حاجة فى حياتنا, لازم يكون فى عقل عشان يقدر الانسان اللى قدامه و لازم يكون فى نظر عشان تشوفى عين اللى قدامك و لازم يكون فى سمع لأن نبرة الصوت اهم حاجة نقدر نميز بيها الحب. أما على الانترنت فقط فمن المستحيل الواحد يلاقى حد يحبه لأن تقريبا كل واحد بيلبس قناع و هو على النت يعنى باختصار كل واحد بيطلع الحاجات الحلوة اللى جواه و يخفى الحاجات الوحشة او انه يصطنع لنفسه شخصية خيالية. أما عن الشخص الذى احببتيه يا اختى العزيزة , فهو لم يكن حبا حقيقيا بل انت احببتى شخصيةو جميلة قد تكون خيالية رسمها فى فكره و عرضها عليكى فانبهرتى بها كالطفل الذى يريد الامساك بالنجوم.
هاى ايرينى انا رأيى اللى حصلك دة اعجاب مش اكتر وهو قدر يسيطر عليكى ويتسلى بيكى لكن أكيد الانسان دة مايستاهلش لأنه واخدك وسيله للتسليه وقدر يضحك عليكى وياريت من غير ماتفكرى تسيبى الانسان دة وماتهتميش به ومن غير ماتزعلى على انسان زى دة وعيشى حياتك طبيعيه كأن الموقف دة ماعداش عليكى لأن الانسان لما يزعل بيزعل على حاجة تستاهل
الى الاخت ايرينى انا واى واحد بالنسبة للتعارف على الشات وخاصة بين شاب وفتاةهزا التعارف بيكون لمجردشكليات فقط والى يحب عن طريق الشات يبقى شخصية فاضية عايزة تتسلةوالتعارف لازم يكون عن طريق المقابلة ازا وصل لدرجة الحبواى واحد على النت يقول انا بحبك يبقى بيلعب(الرب معاكى)
This depends how old R U but the most probable thing that U didnt love him another thing is that he may have feeled that U loved him so tried to put an extent for your relationship ask your father in e3teraf GBU
انا لا اعترف بهذا ان الحب مثل ما تقلية او اعجاب على النت مش هيكون حب ان انتى لا تعرفى حاجة عنة او عن سلوكو بس هو اغراكى بكلام وبس الافضل ان تراجى نفسك الاول قبل ان تفتحى قلبك لى حد وربنا معكى اخيكى\مدحت
ايرينى ارجو اولآ ان تجتهدى وتنسى الأمر بأكمله عارفه ليه لأن فى شباب كتير بتعمل كده وبيكونوا مرتبطين ويمكن متزوجين كمان عاوز يشعر انه مرغوب فيبدأ الشات لغاية مايحس ان البنت حبته فيشعر بنشوة الأفتخار بالذات ويتركها ويكرر هذا مع اخريات لا تحزنى لأنه يبحث عن احساس والشات يساعده على ذلك – لكن من يبحث عن حب الشات يسبب له الجراح والألم لأن الشات لايخرج منه كل الصدق
men elmomken geda enk tkony 7bteh laken 7abety elshab elly 3la elshat bas . laken 99% enk lao shofteh momken t3'ayry ra2ek
اختي العزيزة ايريني نعمة ربنا يسوع المسيح معك بكل محبة أنصحك بالتخلي عن هذا الشاب، فهو لا يريد إلا اللهو. أنت ما زلت في ريعان شبابك وفي مرحلة المراهقة، وما تشعرين به تجاهه ليس حبا حقيقيا، إنما إعجاب ، إلى ذلك إن غرف الشات ليست مكانا لبناء علاقة تؤدي للزواج، إنما مكان للهو والتعارف السطحي وتمضية الوقت. سأصلي من أجلك. اخوك طوني/لبنان
السلام والنعمة اولا انتى كان فى اعتقادك اية لما اتكلمتوا مع بعض واتعرفتوا ببعض لازم يكون هناك تعارف جاد وليس كلام فقط او اعجاب او تعارف عليك بالصلاة الرب معك صلى لاجلى اخوكم سامى

الزواج عن طريق الإنترنيت ؟؟؟

تعرفت عليه من النت و تقابلنا فى الكنيسة،هذا خطأ ام لا و كيف نأخذ احتياطتنا؟ ام يجب ان اغلق هذا الباب ..علماً بانى دائرة معارفى ضيقة و لا أعرف كيف و أين اختار شريك حياتى؟    ايه رأيكم يا شباب ؟  

الردود

يا جماعة انا عندى رأى مختلف وأرى ان التعارف و الزواج عن طريق النت ممكن ينجح طالما عرفوا بعض كويس و اختبروا بعض كويس يعنى مش اول ماتتعرفى عليه تقولى يا جواز لا طبعا ده احنا حنتكلم و نتكلم و نتكلم و بعدين لما يحصل توافق و تقارب نتقابل و بعدها يبقى نقول يا جواز و التعارف على النت زى أى تعارف KIKO
الكومبيوتر لا يستطيع ان يجد الزوج او الزوجه لاى شخص يجب ان يكون فى تعارف صادق عن طريقت الكنيسه او الاب الكاهن
سلام من الرب أنا حائر هل حقا الزواج عبر النت هل هو يصح أم لا فيبي
انا من رأى ان النت عمرة مايكون طريقناجح للزواج بس ممكن اوى يكون طريق ناجح للصداقةومش اكتر والمفروض ان اولاد اللة يعرفوا اية هى حدود الصداقة الللى بين الشاب والشابة.
براي النت فتح ابواب كبيرة جدا للتعارف و للصداقة . و جعل الكون قرية صغيرة . و هذا الأختراع جعل الناس في غربة رغم التواصل الكبير . لذلك اقول . هذا تطور يمكن استعابه و احتوائه . فانا مثلا رغم وجودي في الكنيسة . و بين الشباب لم التقي من تشاركني حياتي . ليس لأني فاشل في العلاقات الأجتماعية ابدا لكن ظروف الحياة من عمل و بناء مستقبل لا يجعلني انظر او ابني علاقة . في هذه الظروف ماذا افعل انا ابحث و خطر ببالي ان اعمل عنوان اضعه في لوحة اعلانات الكنيسة من اجل الأرتباط اذا كانت هذه فكرة جريئة فالحاجة ام الأختراع و الأنترنت هو وليد حاجة اليس كذلك
اعتقد ان موضوع الزواج عن طريق النت امر مؤسف لانة لا يؤهل للزواج المبارك حيث يجب التعارف و معرفة شخصية كل طرف هو ده رايى شكرا” ملاك
رأى هو : أن المتعارف عن طرق الزواج الحديثة من المسيحيين . انه عندما يعجب الاخ المسيحى بفتاة مسيحية عن طريق :

1- الخدمة ( فى أجتماعهم – فى أثناء خدمتهم )

2- الاجتماعات الاسبوعية

3- الرحلات المتكررة يلاحظ سلوكها ويبدأ يفكر فيها ونلاحظ هنا أنى قلت يلاحظ سلوكها من بعيد لكى لا يندفع اليها فجئه الزواج من رأى هو دراسة وتعمق وتفكير طويل لكى لايندم بعدها . + فادى ( الزيتون )+

أتفق في الأرى مع الأخ فادي عزت في كيفية إختيار شريكة الحياة و أنا أرى معه أن هذا غير ممكن عن طريق النت خصوصاً لأنه يوجد بعض من الخبثاء كما قالت الأخت mary النت ممكن للتعارف فقط و لكن بشروط منها أن يكون عن طريق مواقع مسيحية موثوق بها تحت إطار الروح الكنسية فقط و ألا يكون هدفاً للزواج أما مَن يبحث عن شريك للحياة فليبحث عنه في الأجتمعات الكنسية و في إطار الأسرة أو المعارف ليس عن طريق النت الذي يشبه البطيخة المغلقة و غالباً ما تكون تالفة
لا يصلح ان تأخذى شريك حياتك عبر الانترنت يجب ان تكونى تعرفيه عبر الكنيسة وتعرفين ابيه الروحى الذى يعترف عنده وتسأليه عنه والا فسيكون مصيرك ان تقعى فى برثان الشباب الطأش
لا اؤيد فكره الزواج عن طريق النت لانه كما قال احد الاخوه انه مجال للخبثاء ولكن انسب مكان للتعارف هو الكنيسه انا تزوجت خادمه من الكنيسه وكانت معارفي قليله جدا
انا مش مع اللى يقولوا ممكن الزواج يتم عن طريق النت لانة ممكن البيانات اللى ياخذها اشاب عن ابنت او البنت عن اشاب ممكن تكون خاطئة مما يؤدى الى زواج فاشل لا يليق بالكنيسة
احنا ليه واخدين الامر انه صعب القبول.. ممكن يتم التعارف على النت ويتم تبادل خبرات بين الطرفين ثم تتطور الامور الى الاشتراك بهذه الخبرات فى انشطة كنسية مشتركة واذا جه التقارب العاطفى بعد كده ثم الجواز يبقى شئ جميل مش وحش.. الغلط ان يكون الهدف الاساسى هو اختيار شريكة الحياة من النت يعنى ادخل بياناتى وهى كذلك ويتم التوفيق بين الاثنين على ذلك النظام.. اعتقد ان هذا النظام تسلية مش اكتر.. لكن لو جاء التقارب زى ما شرحت سابقا يبقى شئ طبيعى.. لازم نتماشى مع لغة العصر.. وما نقولش على كل حاجة انها وحشة..
لا اعرف لماذا كل هذا النقد . للزواج عبر النت اليس النت وسيلة اتصال للمعرفة طالما الأمر تبادل افكار . اخوة طالما سيكون بالآخر لقاء حي و فعال اي المشكلة و الطرفين سيجتمعان ما نستهجنه اليوم اولادنا في المسقبل سيقولون عنه امر عادي اليس التفلزيون غير عادات ناس كثر و خفف ت اللقاءات و السهرات بين الأصحاب و ولغة دور السنما التطور جيد و هوو الأنترنت وسيلة اتصال صحيح اصبح الناس في داخل غرفهم و لكنهم يجوبون العالم بكبسة زر اخوة يجب علينا احتواء هذا التطور اما نبلعه او يبلعنا
الكومبيوتر لا يستطيع ان يجد الزوج او الزوجه لاى شخص يجب ان يكون فى تعارف صادق عن طريقت الكنيسه او الاب الكاهن .
الزواج عن طريق النت غالبا ماينتهي بالفشل والتعب في الحياة فيما بعد لعدم حدوث توافق وقبول كما أن الانسان لايستطيع أن يحكم على شريك الحياة بمجرد تلك المعرفة الوهمية التي كثيرا ماتظهر لصاحبها بالبريق الخادع.
انا رأييى يا جماعه ان كل شيئ بيعتمد على طبيعة الانسان فكل شيئ طاهر للطاهرين.
الزواج هو الشى الوحيد الذى من المفروض ان لا يتم عن طريق النت لان الزواج فى معناه اكبر من مجرد تعليق او شرح مبسط بل ابسط ما قيل عنة مزج حياة فردين كفرد واحد.                 فوزى
لاحظت عموما ان الفكرة مقبولة لدى الفتيات بشكل اكبر من الشباب و لذلك اوجه سؤالى لهم ماذا تفعل الفتاه إذا ذهبت إلى موقع زواج ووجدت مواصفات شاب معين يناسبها فماذا ترسل له ؟ هل تقول له ارغب فى التعرف عليك ؟؟ هذا سؤال كتمهيد لتعليقى.
باسم الهنا القوى القادر على كل شىء .. اخوتى الاحباء .. اسمحولى انى اشترك معكم فى هذا الموضوع الهام وهو الزواج عن طريق الانترنت اولا ينبغى علينا ان ندرك فى البدايه الفكره الصحيحه للزواج ومنها نتخذ قراراتناالتى سنبى عليها مستقبلنا القادم الزواج هو حياه بين اثنبن قد اتحدا معا واصبحا شىء واحد… حياه بكل ما فيها من افراح واحزان ..راحه ومشقات وتعب .. عندئذ نسأل انفسنا .. ترى هذا الانسان (او الانسانه )الذى اخترته هل يمكن ان يكون شريك حياتى ..هل هناك توافق فكرى واجتماعى بيننا .. وقبل كل هذاما مدى علاقته بالمسيح له المجدكلنا نعلم ان النت لايظهر بواطن الانسان لان من الممكن ان اظهر شخصيه تختلف تماما عن شخصيتى الحقيقيه او بمعنى اكثر مصداقيه الصدق لايوجد فى النت الا فى قله قليله جدا من الناس الذين يكون هدفهم الاول الاستفاده ليس الا .. واذا توفر الصدق قد لاتتوفر اشياءاخرى مثل التوافق النفسى بينك وبين الطرف الاخر .. او الميول التى لاتظهر بسرعه او من مجرد مقابله فى الكنيسه والتى يحاول كل طرف فيها ان يظهر انه انسان بلا عيوب .. ما اجمل البساطه فى اللقاء .. والاجمل .. الحكمه فى التصرف .. انا لا انكر انه من الممكن ان يجد المرء شريك حياته بهذه الطريقه .. ولكن قله نادره جدا من يحالفها الصواب فى ذلك ويكون هذا بعد صلوات عميقه ليتدخل الله فيها ..صدقونى .. لا اتخيل نفسى وقد ارتبطت بشريكة حياتى التى ستحمل اسمى وكيانى كله عبر الاقمار الصناعيه !!!سينقصنى اشياء كثيره جدا يجب على معرفتها قبل الارتباط .. وصدقونى لن نجد الوقت الكافى لذلك لان الكل سيحاول ان يثبت للاخر انه نادر الوجود .. ولكن ما اود ان اخبركم به ان لمثل هذه الامور المصيريه ينبغى دائما ان يكون الله هو القائد لقراراتى .. هو المحرك لحياتى التى يجب ان تمجد اسمه على الارض .. فاذا تأكدت ان ذلك الانسان هو اراده الهيه ..سأثق ان بنفس الاراده الالهيه سيتم كل شىء ………… صلوا من اجلى
بجد و من غير اي مبالغة طريقة النت مش اكتر من ان ناس بتتسلي و عواطف مريضة بتخرج من ناس مريضه مجرد تفريغ للأمراض الكامنه او للإحتياجات الغير مشبعة طريقه كل واحد في الارتباط ربنا اكيد هايخترهاله و الوقت بس مشكله الشباب انهم مش مقتنعين بكده و بيسعوا في طرق مختلفة منها الخطأ لكن انا فعلا مصدقة ان راي اي راجل انه عمرة ما هايفضل ان مراته تكون عن طريق النت و حتي لو حصل هيخجل انه يقول للكل علي الطريقة دي لازم نصلي و نستني ربنا يرتب طريقتة اللي ما فيهاش اي تدخلات بشريه.
الزواج علي النت اعتقد انة غير مناسب للانسان المسيحي لان ازواج شركة مقدسة لابد ان يتقابل الشريكان ويعرفون طباع كل واحد وهل سوف يتم التناسب بنهم ام لا ولابد ان يكون المسيح ثالثهم فهناك الكثير من المشاكل بتحصل بعد الزواج وللاسف بتوصل الي المحاكم والطلاق فعلينا ان يكون هناك ترابط في فترة الخطوبة وتعارف اكثر واكثر واستشارة امر اللة مهمة جدا في ذالك الموضوع لابد ان يتقابل الشريكان وعرفة مدي التناسب بينهم وهل هناك عائق يمنع زواجهم هل هناك مثلا مشاكل صحيةاو مشاكل اخري كل ذالك لابد ان يوخذ في الاهتمام واهم شيئ هل هناك اتفاق وتفاهم وحب بين الطرفين الزواج شركة مقدسة وسر من اسرار الكنيسة فلا بد ان يكون مبني علي اساس فلا داعي اي استخدام النت في الزواج فهناك وسائل اخري مثل اجتماعات الشباب الخ شكرا علي محبتكم لاتاحة الفرصة للتعبير عن راي التوقيع.          ابن الغني
ازيكم جميعآ انا اول مره اشترك وكان رايي ان الانسان كتير لما بيكون مدايق وعاوز حد يتكلم معا في حجاته خاصه جدآ تخصه في لزم يكون ميعرفشي عنه حاجه وده ممكن بيكون بين ولد وبنت وممكن بعد الكلام الي بيبتدي معاهم ده بيكون كلام بكل صراحه يعني ممكن يعرفوا كل شيء عن بعض قبل ما بيشوفه بعض ممكن فعآ يكون ده بدايه اي اتنين وممكن بعد كده لو في نصيب بيتجوزه اما لو مفيش نصيب فده بتكون اختيار من عند الله وعلي فكره اكيد هيكون في حياه سعيده جدآ لانها ابتدت بالصراحه ده راي وارجو الرد عليا لو كان غلاط.   هاني
لا اري مايمنع ان يكون هناك فرصة حقيقيه لزواج ناجح عبر النت بل اراه افضل بكثير من الخطبه او الاصدقاء او مساعدة الاهل واسال لماذا لا يوجد موقع مسيحي ولو بمقابل مادي يضمن قدر الطاقة صدق البيانات والاشراف عاي الاحاديث والارشاد دون محاباة لطرف او الخوف من جرح مشاعر طرف يعرفونه فصدقوني حتي الاباء الكهنه يخافون من التدخل في امور الاختيار لالي يلاموا بعد ذلك والتعارف الطبيعي صعب في مجتمعنا المغلق والمشوه النظرة.
عاوزه رأي الاولاد و الرجال فعلا هل تقبل ان تكون شريكه حياتك عبر الانترنت و لما لا ؟ هل سوف تشك لحظه في انها فتاه محترمه و ابنه للمسيح ؟ و ما الذي يؤكد لك ذلك ؟ و هل بعد الزواج عدو الخير مش هيغير افكارك عنها و عن انها فتاه بنت للمسيح ؟ من رأئئ ان البنات مضروره اكثر من الأولاد في الموضوع ده
عاوزه رأي الاولاد و الرجال فعلا هل تقبل ان تكون شريكه حياتك عبر الانترنت و لما لا ؟ هل سوف تشك لحظه في انها فتاه محترمه و ابنه للمسيح ؟ و ما الذي يؤكد لك ذلك ؟ و هل بعد الزواج عدو الخير مش هيغير افكارك عنها و عن انها فتاه بنت للمسيح ؟ من رأئئ ان البنات مضروره اكثر من الأولاد في الموضوع ده