العمل والسحر ؟
انا سنى 22 سنة والغريب ان كل مايتفدم احد لخطبتى وياتى لابى فى عملة ويكون شخص ممتاز لا ياتى مرة اخرى ولا يبان لة اثر والكثير بيقولوا انك معمولك عمل وانا غير مؤمنة بالكلمة دى ماذا افعل مارينا
| الأخت / مارينا أنا اؤمن بكلمة عمل أو سحر لأن كل شيئ بأمر من ربنا . الأنجيل يقول أن كل الأشياء تعمل معاً للخير للذين يحبون الله أكيد ربنا مرتب لك العريس المناسب لك و أكيد والدك يريد أن يختار لك العريس المناسب . فلا تتسرعي في أختيار العريس فوالدك أدرى بمصلحتك و أدري بمواصفات العريس الذي سيختاره لك ( بعد موافقتك عليه ) . فانتظري عمل الله و نصيبه لك |
| صدقيني يا اختي انا كنت زيك كده بفكر في موضوع العمل و السحر و الكلام ده ، لكن بأمانة ربنا انا اكتشفت ان ده كله كلام فارغ لأن الله ضابط الكل لن يسمح بشئ مثل هذا يتحكم فينا و مهما عمل الناس نحن في يد يسوع ، اطلبي من ربنايزيد ايمانك وكل الأفكار دي هتروح ، قدسي نفسك بزيت مبارك من الكنيسة وارشمي نفسك به كل يوم و اتناولي وشوفي مين يقدر يقرب منك …. |
| حبيبتى مارينا اولا انت لسه بنوته صغنونه يعنى مافتكيش القطار و لا حاجة و ثانيا انا بقى مش موافقة خالص على موضوع الاعمال ده لانه كلام فاضى و عيب اوى ان ناس متعلمة تقول الكلام ده لكن الموضوع ممكن يبقى صدفة ان العريس يجى و ميرجعش او ممكن يبقى نصيب لكن انت لازم تصلى كتير بخصوص الموضوع ده و ان شاء الله ربنا يبعتلك شخص ممتاز يستاهل انه يبقى شريك حياتك و تذكرى ان كل الاشياء تعمل معا للخير للذين يحبون الرب. |
| انا بقولك صلى كتير للربناومفيش حاجة اسمهاعمل ولكن فى حاجة اسمها تجربة وصدقينى ربنا اكيد لة حكمة فى ذلك والتجربة ليها فوائد كتير منها الصبر والطاعة ومحبة اللة والايمان بمحبتة ليناوكتير كانو بيجعلو ربنا بعيدومبيسمعهمش فى الطلبات لكن جة كلةفى مصلحتهم |
| هاي مارينا خليكي واثقة إن ربنا جانبك و ممكن يكون لسة ماأردش إنك ترتبطي و أكيد هو شايلك الإنسان المناسب في الوقت المناسب ربنا يوفقك |
| اختي العزيزة..ايه الفرق بين اولاد الله و اولاد العالم؟؟ اولاد الله معاهم قوة الله.. انا اؤمن ان في سحر لاني اؤمن ان في شيطان .. لكن الأهم اني واثفة ان اله أعطانا سلطان علي كل الحيات و العقارب و كل قوات العدو.. بعني الخلاصة على افتراض ان في حد عامل عمل أو سحر ففي بساطة شديدة كل اللي علينا نعمله أن نتناول و نصلي لربنا عشان يتدخل .. اما موضوع الارتباط ممكن اوي ان النصيب مجاش .. 22 سنة يعني لسة في بداية الطريق .. بلاش استعجال.. |
| اختى الحبيبة مارينا احب اقولك مش تمشى وراء الكلام ده ومش تحطى فى دماغك علشان مش تتعبى وصلى للمسيح بكل حب وتامل واتناولى كتير لان لو افترضنا ان كلامك صح فكثرة التناول والاعتراف هيزول عنك اى عمل والمسيح غلب الشرير وثقى بنعمة رب المجد اخوكى فى المسيح امير |
| العمولات والسحر موجود فعلا واكثر من الاول واصبحت شائعة ظاهرة ومعظم الناس يعتمدون عليها ولكن المسيح قال لنا لقد اعطيتكم سلطان انتدوسوا الحيات والعقارب اختى العزيزة بعدك عن الكنيسة وخاصة التناول هو الذى جعلك تعتقدين بذلك اتمسكى بالتناول ليس كل يوم بل كل اسبوع اريد ان اكرر لك ان التناول ثم التناول ثم التناول يفسد اى ضرر يمكن ان يضر اولاد يسوع يفسد اى ضرر يضرنا هذة هى النعمة التى انعم علينا بها اللةصدقينى التناول كل اسبوع مع الصلاة مع الصوم هولاء الثلاثة جزء لا يتجزءولا يمكن ان يصيبنا اى مكروة اكرر لك التناول مهم جدا فى حياتنالا يجب ان نبعد عنة مهما كانت الظروف ولذك مشكور قداسة البابا شنودة على انة يرسل كهنة لكنائس المهجرحتى يتسنى للمسيحين التناول الارثوزوكسى فى بلاد المهجرحتى نكون فى المسيح والمسيح فينا لانة قال لنا من ياكل جسدى ويشرب دمى يكون فى وانا فية ونعمة اللة تكون معك |
| أولا: أنت ما زلت فى الثانية و العشرين من عمرك، فمازالت الفرصة قائمة أمامك و كبيرة جداً. و عند كتابتى الرد عليك عدت لأنظر السن المكتوب لربما خدعتنى عينى و كان عمرك 42 سنة. و لكنى وجدت أنك ما زلت 22 سنة، فأى عمل ذلك الذى تتكلمين عنه. ماذا لو كان الله يحبك و يبعد عنك هؤلاء المتقدمين لطلب يدك حتى لا تمرين بفترة خطوبة ثم تفشل لعدم إتفاق الأفكار و الطباع؟ إن فسخ الخطبة يعقبه فترة عدم إتزان و حزن عميقة و ربما الله يبعد عنك تلك الأحزان. سبب آخر هو ربما يريد منك الله أن تقتربى منه أكثر. إن الأعمال ما هى إلا حسد من الشيطان و يقوى بها على من هم بعيدين عن الله، و سير القديسين مملوءة بقصص حسد من الشيطان و لكن الله يحفظ القريبين منه. بل أن قربهم من الله يمنع وصول الشيطان لهم. فعليك بالتقرب أكثر إلى الله لو كنت بعيدة عنه. سبب آخر هو قد يكون الله لا يد له فى الموضوع ولا الشيطان و الموضوع كله يتعلق بك شخصيا – أعنى بطباعك. ربما يوجد بك طبع لا يعجب هؤلاء المتقدمين لطلب يدك، و عليك باكتشاف هذا الطبع المنفر و تغييره إلى الأفضل، و ذلك لن يتم إلا بالصلاة أيضا و الطلب من الله أن يساعدك. الشيطان و السحر و العمل لا يقوى على أبناء الله و من يقول ذلك فهو يقول أن الشيطان أقوى من الله – حاشا! دع عنك هذه الأفكار و أنظرى للموضوع بموضوعية، كما أنك مازلت صغيرة و مازالت الفرصة أمامك فى الاختيار كبيرة جداً إلى أن يظهر من هو أنسب لك. ربنا يوفقك |
| بما انك سالت تلك السؤال اذا انتى بداء عقلك يفكر انك معمول لكى عمل حقا فى راى هذا خرافات لانك اذا طلبتى معونه الله واتناولتى اخذت الله بداخلك وبطل هذا العمل فواظبى على التناول وانتى ترى يد الله. |
| نقراء في السنكسار تحت يوم 13 توت” تذكار الأعجوبة التي صنعها القديس باسيليوس الكبير أسقف قيصرية ” ونعرف منها ان السحر موجود وان الالتجاء للسحرة انكار للمسيح ولكن السؤال المهم هل للسحر سلطان علينا ؟ الاجابة له سلطان علي الانسان المتهاون في الكنيسة اما الانسان المتمسك باسرار الكنيسة والصوم والصلاة وحياة التوبة يوميا و ارشاد اب اعترافه ليس للشيطان او السحر سلطان عليه اذن فلنحاضر بالصبر في الجهاد الموضوع امامنا لكي يبطل الله كل موامرات الشيطان واما اذا لجائنا الي خدام الشيطان أي السحرة لابطال عمل سيدهم حتي لو كانوا من القلة المتسترين في الكهنوت فتنطبق علينا وعليهم العقوبة التالية (( اذا سكب نصراني علي ذاته ماء من جهة راق قد رقاه فليخرج عن السرائر (أي يمنع عنها ) و اذا مضي اكليريكي الي ساحر و تعلم منه شيئا فليقطع من طقس الاكليروس و يحرم من السرائر و لايترك احد من هؤلاء في الكنيسة ” قانون رقم 34 من قوانين القديس ياسليوس الكبير أسقف قيصرية صاحب القداس الباسيلي ” )) |
| انتى عندك حق فى انك غير مؤمنة بالعمل. وليه ما نقولش ان كل الاشياء تعمل معا للخير للذين يحبون الله وان الله عشان بيحبك بيبعد عنك الانسان غير المناسب حتى لو كان مناسب فى نظرك . ثقى تماما انك طالما مؤمنة ان مستقبلك فى ايد ربنا ومش متأثر بعمل اذن ربنا هيرتبلك الصالح . وصلى انك متتأثريش بكلام حد من عمل وسحر وخلافه. |
| I do not believe these things. The children of God are not affected by this. I am not sure for the reason.. maybe person hate your father work or something happen that makes them want to go |
| اختى احنا عندنا في الكنيسه اعمال من دى وانا متاكده من الاعمال دى انها صح وفي ناس بتسجى لبونا علشان الموضوع ده بس كل الاعمال تعمل معا للخير للذين يحبون الرب |
| أحبائى فى المسيح يسوع ، من أخطر تحيات هذه الأيام ، شيطنة كل ما يحدث فى حياتنا من أمور صعبة ، قد يسمح بها الله ، فعلينا الثقة فى قدرة إلهنا الصالح وحمايته لأولاده ز فهو فى محبته لا يسمح هكذا للشيطان ببساطة أن يأخذ حريته فينا ويعاكس حياتنا بهذه الطريقة التى تقوض الإيمان بل وتضيع رجاء الإنسان من ربنا القادر . أنا فى غاية الحزن على الطريقةالتى أصبحنا نعالج بها أمورنا ومشاكلنا ، وللأسف هناك من الرعاة والخدام من يزكى هذا المنهج ، ويعزى ما يحدث فى الحياة إلى الشياطين والسحر ! أين ذهب الإيمان يا آبائى الرعاة ويا إخوتى الخدام . راجعوا القصص التى ذكرها الأحباء قبلى فى المنتدى لتعرفوا قوة الله وقدرته ومحبته من نحونا ، حتىنتأكد انه معنا وام يتركنا . |
| انا عايزة أطمنك ان ربنا مش ممكن يسمح لأولاده بأى شيىء من أعمال الشيطان لكن المهم انك تكون ليكى علاقة قوية بربنا وثقة فى محبته الكبيرة ليكى المهم تصلى وتتناولى أنا حاسة بيكى لأنى فى موقف مشابة ليكى لكن واثقة ان ربنا مرتب لكل انسان اللى يفرح قلبه لكن فى الوقت المناسب المهم متقلقيش وتثقى فى ربنا اكتر (كل ما تطلبونه فى الصلاة مؤمنين تنالونه)صلى من أجلى mora |
| السحر لا يعمل اي حاجه مع اولاد المسيح لن من خلال المعموديه نلبس الروح القدس الزي ينجينا ويعمل فينا وينقزنا من الشيطان وافعاله السحر لا يعمل حاجه معنا نحن الزيم مات المسيح لجانا ومش تخافي يا صديقه ربنا معاكي لقد قال الرب لموسي لاتدع ساحر يعيش ربنا معاكي فـادي |
| اختي العزيزه انتي عمرك 22 سنه يعني لسه صغيره ولسه امامك مليون شاب ولكن لو امنتي بانه يوجد اعمال فاولا انتي تؤمني ان الشيطان غير قادر علي الله اي ان الله يسحق ويقهر الشيطان ويقيده انتي تؤمني بذلك والكل يؤمن به ولكن اذا تناولتي من الاسرار المقدسه فانتي اذا تملكي الله في قلبك فكيف يمسك الشيطان او يؤذيكي وانتي تملكي الرب في حياتك ومن الممكن ان العرسان لاترجع لوادلك مره اخري هو تدبير من الرب فهو ايضا ابوكي |
| الصلاه الصلاه الصلاه الدائمه اقول الذين يجربون بالاعمال والاسحار لهم حب خاص فى قلب يسوع بدليل لجئون المجنون المثل للخلاص من الرب يسوع صلوا للخلاص المجانى 555555+ اسامه |