Tag Archives: منتديات الشباب القبطى

الرئيسية / Posts tagged "منتديات الشباب القبطى"

  رأى المسيحية فى الزواج العرفى؟

طرح رومانى هذا السؤال على موقعنا:

لماذا يلجأ الشباب لهذا النوع من الزواج على الرغم من انة مرفوض كليا لان الزواج عندنا هو سر مقدس فكيف نفعل هذا.. اريد مشاركة الرأى؟
فكانت ردود الشباب ردود الشباب على المنتدى كالتالى:

 

+ هاى رومانى انا عايزة اقول ان مفيش حاجة عندنا اسمها زواج عرفى وده زواج مش معترف بيه كنسياً واى حد بيعمل كده هو بيعتبر انسان زانى لان الزواج سر مقدس ولازم يتم فى الكنيسة واللى بيتم من خلال الصلاة اللى بتخلى الزوجين جسد واحدوروح واحدة فى المسيح مش من خلال ورقة ما لهاش اى قيمة ولو كان الزواج ده موجود او بيحصل فاكيد هو نتيجة الظروف المادية الحالية للشباب التى ادت الى صعوبة الزواج بس انا اعتقد ان اولاد المسيح وبناته بمعنى الكلمة عمرهم ما يفكروا كده وبصراحة انا شايفة ان ديه ظاهرة نادرة عندنا احنا كمسيحين لاننا نثق ان الله يدبر ويوفر كل احتياجاتنا دون ان نطلب.
+ لابدمن تاسيس اولادنا تاسيس روحى و اخلاقى لكى يدركوا جيدا ان ده يبقى زنى و ليس زواج على الاطلاق وده دور الكنيسه و الاسره مع بعضهم
+ لا أعتقد أن من يقدم على الزواج العرفي يدرك معنى سر الزواج الذي يعد من أقدس الأسرار في الكنيسة , لم يظهر الزواج العرفي في حياة بعض المسيحين إلا لما ابتعدو عن الكنيسة وعن الالتزام الديني لقد أصبح عدد من شبابنا بعيدين كل البعد عن الرب ووصاياه وفهم أحكامه وتدابيره وأصبحت العبودية للخطيئة تلبس اسم الحرية الشخصية , إننا في هذا الوقت بأمس الحاجة لتقوية انتمائنا الكنسي والتزامنا بوصايا وتعاليم الرب فضعف الارتباط بالكنيسة هو ما يجعل الكثير من البدع مثل الزواج العرفي تدخل في حياة بعض المسيحين فلنصلي معاً ونطلب من الله تعالي ليعيد كل الخراف الضالة إليه ويعزز ارتباطنا بكنيسته المقدسة
+ اخى فى المسيح رومانى دى اول مره اسمع فيها عن ان فى المسيحيه فى زواج عرفى او حتى زواج من النوع ده ياريت تتاكد من معلوماتك الاول واسف لو انا اللى غلطان وماعنديش فكره اتمنى انى الاقى ردود مفيده من باقى الجروب
+ هو فيه مسيحيين بيتجوزوا عرفي دلوقت ؟ انا كنت اعتقد ان الموضوع ماوصلش لكدة
+ ان الزواج العرفى عباره عن زنا بتخدير الضمير
+ اكيد الشباب يلجاء لهذا النوع من الزواج وهو متأثر بالديانات الأخري واكيد النوع دا من الشباب مش مرتبط بالكنيسة ولا بالمسيح
+ سلام ونعمة انا لا استطيع انا اتصور انسان مسيحى حقيقي له علا قة قوية مع ربنا يفكر مجرد التفكير فى هذا الزواج واذ كان وصل الى الكنيسة انما يدل عن خلل اجتماعى ونفسي وروحى رهيب داخل هذا الشخص . وليس لى الا ان أقول يا رب إرحمنا مارى ادوارد
+ اعتقد انه مافيش حاجة اسمها زواج عرفى فى المسيحية لان الزواج سر من اسرار الكنيسة المقدسة لكن من يلجأ لهذا الزواج يكون نوع من الهروب من شىء معين هو خايف منه
+ كنت أريد المشاركة برد مقتضـب وهو( ما بني علي باطل فهو باطل ) ولكن هاهي مشاركتي وأرجوأن يسامحني من يجد بمشاركـتي خطئ ما. منذ البدء والزواج سنة محـفـوظة عند جميع الأمم وقـدأجبت نفسـك في سـؤالك ان الزواج في المسيحية سـر مقدس وقد قال عنة بولس الرسـول في رسالتة الي أفسـس أن هذا السر عظيم وهو يمثل أتحادالمسـيح بكنيسـتة.( أف 5 : 22 -33 ) وقدأجمعـت سائر الكنائس الرسولية في العالم وأيضاًالبروتـسـتانت يعـتـقـدون و يسـلمـون بهذه الحـقـيقة . و للزواج غايتان:

1- تعاون الزوجـيـن علي أمور الحياة 2-الـتـنـاسل وحـفـظ النـوع وهناك أيضاًغايةآخري نتجت من فساد الطبيعة البشرية وهي 3- صيانة النـفـس من الغوايه وظبطها من الأنـفـعـلات الجـسـدية وبعدهاعن العلاقات المخالفة لشرع الله . إلا أن الزواج في هذا العصر قد اختل نظامه و فسد بفساد الأنسان و تغيرت معايرة بما اكتسب من مخالطةأمم آخري فيما يطلق علية( زواج عرفي ) و ( زواج متعة ) و ( زواج مدني ) …الخ و دعني أتسائل معك … ما دمت تريد الزواج فلماذا تتبع شريعة غير شريعة الرب ؟؟؟؟

+ للأسف انا اجهل اساسا ما هو الزواج العرفي هل ممكن تشرحولي باختصار
+ ولو انها حقيقه مخجله لكن لازم نعرف كلنا انه الجواز العرفي موجود عندنا في مجتمعنا المسيحي وخاصه في سن الكليه ..مش قصدي انه موجود يعني معترف بيه قصدي انه في فعلا حالات جواز عرفي ظهرت وظهر معاها الندم لكن ربنا يحمينا ويحمي شبابنا من الخطيه دي ( انا عايز اقول لكل شاب ممكن يلجا للحيله دي – بعد كده هاتعمل ايه – لو فكر في بعدين مش ممكن يتجرا ويخطو حطوه بشعه زي دي فيها اهانه لجسده ولشريكه اللي فاكر انه هو بكده بيحبه
+ سلام علي ما اظن ان في المسيحية مفيش النوع ده من الزواج وغير معروفولو وجد شباب يرغبون في هذا الزواج لا اظن ان البنت ممكن ان تقبل بهذا الامر والشب بيفكر بطريقة دي لسببين اولا انه مش انسان روحي كنسي وطبيعي لو طلب الطلب ده من البنت انه مش بيحبها لانه مش خايف عليها التاني الظروف الصعبة للشباب اللي بتدفعة بدل التفكير في الواقع انه يشوف طرق مش صحيحة للزواج بتأثير شييطاني صلولي كتيير مينا صلاح
+ لا اعتقد انه يوجد ما يسمى بالزواج العرفى على الاطلاق فى المسيحية ولكن اعتقد انه مثل هذه الحالات النادرة ان وجدة لانى لا اعتقد ان الموضوع ده ظاهرة بل حالات نادرة هى ناتجة عن ظروف اجتماعية فى المقام الاول فاما انه لا يوجد توجيه من البيت (لا اقول رقابة بل توجيه)او ان خدام الكنيسة لسوا على مستوى الثقافة التى تمكنهم من احتواء تلك الافكار واعتقد ان علاج ذلك الموضوع هو عن طريق تثقيف الخدام بان ليس مخدوميتهم عبارة عن ملائكة بل يجب التعامل معهم على اساس انهم شباب وشبات (لانه لا يوجد زواج الا اذا وجد شباب وشبات وليس شباب فقط) يعيشون فى مجتمع اصبح لا يفرق بين الحرية والاباحية وارجوا من الاسر تسهيل مهمة الزواج على الابناء فلا داعى لانتظار العريس الجاهز من كله ولا العروسة التى لا يوجد بعدها اتركوا الابناء يختاروا وقوموا بالتوجيه فقط لانه هم الذين سوف يعيشون مع بعض
+ عزيزى فلنتذكر القول القائل :-(( مع المسيح ذاك أفضل جدا)) المعادلة ليست صعبة فالذى مع المسيح هو من يتبع تعاليم المسيح و الزواج العرفى ليس من تعاليم المسيح . أيمن سعد
+ فى المجموع الصفوى لابن العسال -و هو الكتاب الذى ينظم مسائل الزواج عند الاقباط الارثوذكس – يقول ان الصلاء -صلاء الاكليل – هى التى تحل النساء للرجال و الرجال للنساء ‘لذا فالزواج العرفى مرفوض تماما فى المسيحية angel samir
+ هاى بعد كل الكلام اللى اتقال دة طبعا زنا لان لما هتسائل الناس دى عملت كدة لية هتقول طبعا الاعزار المعروفة وانهم بيحبو بعض اوى .هو اللى بيحب حد بيحب يضره؟
+ سلام ونعمه ده اول تعليق ليا وعايز اقول ان كلكم اتفقتوا علي ان الزواج العرفي خطيه عظيمه لكن انا عايز اضيف ان لازم الاسر ماتعقدش الشباب وتقف في طريقهم لكن لما يكون في تجاوب بين شاب وشابه الاسر تحاول ان تحول هذه العلاقه الي السر الالهي (الزيجه) elagaiby
+ بسم الب والبن والوح القدس اللة الواحد امين انا اقول لكل من يفكر فى هذا الموضوع انة ليس يكون ابن المسيح
+ لمن يتسائل عن ماهو الزواج العرفي من الأصدقاء فحسب معلوماتي الضعيفة أعتقد أن الزواج المقصود بهذا المنتدى هو الزواج المدني الذي يتم لدى المحاكم دون أي سلطة روحية كنسية أو غيرهاوهو وضع أصلا لتنظيم الحياة المدنية فهو باطل أساسا ولا يعترف به أي دين من الأديان بينماالزواج العرفي فهو موجود عند المسلمين فقط وهو زواج شرعي يتم عقده لدى الشيخ أو ما يسمى مأذون وهو بالنسبة للمسلمين زواج شرعي (على سنة الله ) ولأنه يتم بمجرد ورقة يكتبها هذا الشيخ وبشهود غالبا مجهولين من الطرفين الذين يعقدان الزواج و لا تكون الغايةمنه إشهار الزواج بل إبقائه سريا لذلك يخشى على الفتاة من تمزيق هذه الورقة ( ورقة الزواج ) وبالتالي ينكر الزوج زواجه ولا يعترف به ويتعذر إثباته لذلك يلجأون إلى تثبت الزواج لدى المحاكم وفي حال أنكر أحد الطرفين هذا الزواج فإن من يملك العقد الذي كتبه الشيخ يستطيع إثباته بالمحكمة وترتيب كل الأثار القانونية عليه وبذلك يخرج مفهوم الزواج العرفي عن الديانة المسيحة التي تجعل الزواج سر من أسرار الكنيسة المقدسة و لا تعترف إلا بالزواج الذي يتم بحلول الروح القدس فيجعل الاثنين جسدا وروحا واحدا كما أن الكنيسة والرب يسوع واحد
+اخي الحبيب رومانى اعتقد ان سؤالك هذا جاء من شخص اخر ان المسيحية اعطت للزواج اهمية وسمه مقدسة واعتبرتة من اسرار الكنيسة وفي هذا السر يحل الروح القدس علي الزوجين ويتحدوا ويكونا بعد ليس اثنين بل جسد واحد فكيف يحدث هذا في الزواج العرفي وكيف يحل عليهما الروح القدس ارجو ان يكون السؤال مكتوب بالخطاء ارجو ان تفكرجيدا قبل السؤال
+ ارجو ان نعرف معني زواج الزواج هواتفاق طرفان انسان وانسانه علي الارتباط لتكوين اسره وهذا الارتباط لابد ان يكون شرعي وحسب تعاليم الكتاب المقدس وحسب شريعتنا القبطيه وان يعلن للجميع وان يوثق كنسيا ومدنيا وغير هذا يكون زنا وعليه عقاب كنسي القمص مرقس بشاي
+رخصه قانونيه لتحليل الزني و اثبات قانوني انه بالتراضي و ليس جريمة خطف او اعتداء
+ حتي لا تخـتلط الأوراق والآراء فاالزواج العرفي ليس هو الزواج المدني وأيضـالا يتم بواسطة مأذون عند المسـلمين أنما هو عبارة عن قطعة من الورق يشهد عليهااثنان وهو ما لم تقرة بعض الطوائف الأسلامية المعتدلة لأن من شروط المعتدلين في الأسلام موافقة اولي الأمر و الأشهار اما الزواج العرفي فيتم في السـر ولا يوجد بة أشهار ولو تم تسجيلة في الشهر العقاري هنا يمكن أن ينتمي الي الزواج المدني ( والزوج المدني يمارس في اوربا و أمريكا و كثير من الدول غيرها) احببت أن أوضـح قليلا حتي لا يقال أننا نطلق الشائعات المغرضـة. و اخيرا كما سبق ان علق الأخوة في المنتدي ليس في المسـيحية زواج عرفي بل زواج كنسـي بمباركة رب المجد. بركة و ســـــلام رب المجد مع الجميع
+ زى ما الكتاب ما بيقول انه مافيش شركه بين النور و الظلمه ايضا لو سبنا نفسنا للعالم هيحصل اكتر من الجواز العرفى هيحصل طلاق هيحصل تعدد زوجات و ده واقعى و طبيعى احنا عايشن فى و سط مجتمع كله فى المواضيع دى البيت فى التليفزيون العمل كل حاجه و زى مافيش شركه بين النور و الظلمه برضوا لازم نعيش مع الاخر لانو دا قدرناو ربنا يرحم من الحاضر و الاتى.
+ يا جماعة لازم نفهم اننا فى زمن تغير كل شى فية والعولمة غيرت فينا الكثير واصبحنا اننا بنفكر اننا شباب زى اى شباب فى العالم ممكن نتصرف زييهم ونسينا اننا اولاد المسيح وملح الارض اللى لازم لا ننساق الى اى تفكير خاطىْ او موضة او تقايعة جديدة لا تتناسب مع ديننا . صدقونى انا خايف لاننا ننصهر فى العالم ونتشبة بيهم ونعمل اللى بيعملوة حتى لو كان ضد عقيدتنا – وسلام اللة معكم
+ عندنا نحنوا المسحين لايوجد زواج عرفي بل هو زنا مقنع واولاد اللة ظاهرون
+ ماذا حدث لنا يا أقباط ؟ هل يمكن أن يصل الأمر بابناء الكنيسة القبطية الأرثوذكسية التي أصلا تشجع على البتولية وتضعها في مرتبة أعلى من الزواج أن ينجدر الحال بنا لنحاول أن نقنن الزنا في اسم الزواج العرفي متأثرين في ذلك بغير المسيحيين؟ هل وصلنا الى هذه المرحلة من الجنون؟
+ طبعا هذا الزواج ظاهرة غير مسيحية لان اولاد اللة مقدسون في الرب ينظرون الي الزواج انة سر مقدس لازم ان يكون كنسيا هاني عيسي ابراهيم
+ دى سورى لايليق ان نقول عليه زواج دى زنى عرفى دى كلمه مش موجوده فى القموس المسيحى اقصد الزواج العرفى دى مسميات اهل العالم لا تمت لينا بشى احنا نقول زنى عرفى الى وصلت بيه المرحله لكده احسن يقدم توبه والسماء تفرح بخاطى واحد يتوب اكثر من 99 لايحتاجون فكرة تغير وضعك بد مدور على مسكن للضمير لان صوت الله وروح الله الى داخلك لن يقبل هذا دى طبعا ان لم تنطفى داخللك عمل الله لان الكتاب يقول ان كان النور الذى بداخلكم ظلام فكم وكم يكون الظلام الرررررررررررررب معكككككككككم
+ أى زواج خارج الكنيسة أسف فى اللفظ (زنا) لأن الزواج سر مقدس من أسرار الكنيسة لا يتم إلا بحلول الروح القدس وهذا بواسطة الكاهن فى الكنيسة و عمل الروح القدس فى هذا السر أن يصير الجسدين للمتزوجين جسد واحد خلاف ذلك لا يكون زواج.
+ الشباب يلجأ لهذه الطريقة من الزواج لاسباب: عدم قدرته المادية على الزواج وتحمل المسئولية خوفا من اهل كلا الشابين اتخاذ هذا النوع من الزواج كنوعا ما من المتعة وليس بهدف الزواج المسيحى وهو الرباط المقدس وكمان احنا مش عندنا حاجة من اساسه اسمها زواج عرفى يعنى اللى بيعملوه الشباب دة اصلا ميعتبرش زواج دة اسمه زنى ودة عقابه كبير جدا جدا جدا
+ من ريمون سمير 9/2/2005 ان الزواج العرفى فترة من الالتقاء بين الطرفين لاشباع الرغبة لديهم لممارسة الرزيلة دون التفكير فى النتيجة وهى ضياع مستقبل الطرفين والمبرر عقد زواج عرفى محرم من اللة لان الزواج سر مقدس من اسرار الكنيسة ريمون سمير
+ فى البداية أرحب بيكم وبنفسى لأنى عضو جديد معاكم وموضوع الزواج العرفى يعتبر موضوع قديم شوية لكن مفيش شك إنه حاجة مش صح بالتأكيد وإغلب تجارب الزواج العرفى بتكون فاشلة
+ بسم الاب والابن والروح القدس الة واحد امين من وجهت نظرى لا يوجد لدينا من امثلة لما يسمونة الزواج العرفى وهذة التسمية غير لائقة باولااد وبنات المسيح وشكرا
i wanna say that there r people affraid from the low but not affriad from God so they do the secert marrage(zawag 3orfy) because its legal in ismalic country
+ بسم الاب والابن والروح القدس امين بصراحة انا المضوع دة شاغلنى قوى لنى شايف ناس كتير قوى بتقع فى الغلطة دى ودة يعتبر زنا لان المسيحية مبتمنش بدة ودة بيكون حرام بس انا هتكلم بصراحة ان الشباب لما بيكونو مشين مع بعض لو ماكنوش بيخافوا ربنا فالشطان وبيعمل على طرح هذة الفكرة بينهم وهم فى تلك الوقت بيكونوا مستعدين لاى حاجة تقربهم لبعض اكتر من اللى هم فية فبلجؤ للزواج العرفى وبعد كدة يقولو لبعض ان احنا هنتزوج بعد كدة فى المستقبل وانا شايف نا دة غلط وحرام فمن المفروض على الكنيسة ان تاخذ لبالهامن تلك العلاقات الخاطئة وتعمل على ارشاد ونصح الشباب وتفهم ان دة حرام وربنا يحفظنا تلك العدات الخاطئة بيشوى
+ هاى تكملة لباقى رائى ان دة المفروض انة يتسما اشباع لشهوة مش زواج وانا مش عرفة البنت بتوافق على حاجة زى دى ازاى لان اللى بيطلب منها حاجة زى دى طبعا مش بيحبها هى لشخصها ودى اهانة لها لان الزواج دا اصلا سر مقدس .وانا مشعرفة ازاى الناس ممكن تبيع ربنا فى مقابل شهوة؟واللى بيعملها مش هيعاين اللةوربنا يرشدنا ويحفظنا وينور عقولنا….وسلام يسوع
+ سلام المسيح معاكم جميعا اولا الزواج العرفي هو نوع مبتدع من الزواج لا يوافق عليه اي انسان لديه عقل او ضمير انا اري انه ناتج عن مجتمعنا الذكوري اللذي يعطي للرجل حقوقه كامله واكثر منها ولايعطي للمراه اي حق : ومن يدعي بالزواج العرفي في المسيحيه هو لا يعرف اصلا ماهي المسيحيه لان الزواج في المسيحيه هو شركه روحيه اساسا بين الطرفين ويكون الاثنان جسدا واحدا لا يوجد في اي اديان اخري حتي اري ان القضاء في الفتره الاخيره ايضا لم يعترف بهذا النوع من الزواج حيث حدثت حاله من هذا الزواج في الاسكندريه وعند حدوث حمل حاولت الزوجه ان ترفع قضيه اثبات نسب كان الحكم نصه كالاتي ان الزواج في المسيحيه هو شركه مقدسه بين زوجين ويتم في الكنيسه بطقوس معينه فبالتالي الزواج العرفي لايصح في المسيحيه فهذا هو حكم غير المسيحيين عن الزواج في المسيحيه فماذا عنك ايها المسيحي؟؟؟؟؟ هل تعتبر الزواج هو شركه روحيه مقدسه؟ ام تراه علاقه جسديه فقط؟؟؟ صلوا لاجلي اخوكم جون سامي امين اسره الانبا باخوميوس
+ بسم الاب والابن والروح القدس سلام ونعمة في ايماني بعظمة المسيحيه وارتقائها وسموها من الحياه الترابيه للحياه الساميه ومن حياة الدنيا للحياه العليا لا اعتقد ان هنالك مجالا للشك في ان الزواج العرفي ما هو الا شهوه جسديه ترابيه حيوانيه لا ترتقى لفكر مسيحي ايا كان مستواه الروحي الا اذا كان بعيداً كل البعد عن تعاليم السيد المسيح له المجدهذا اولا اماثانيا فأن الكنيسه ورعايتها لابنائها لا اعتقد هناك شخصا يضطر لمثل هذا السلوك الغير مسيحي والغير مقبول اجتماعيا في اي مجتمع مدني مهما كان درجة قبوله دينيا لدى الاخرين
+ اولا احب ان اوضح معنى كلمة عرف عرف تعنى ما تعارف الناس عليه واستقر في ضمائرهم وله قوة القانون ويعتبر العرف عنصر هام في استقرار الجماعة واضطراد الحياة بين الناس ولكن ما هو العرف المتبع عند المسيحيين بالنسبة للزواج العرف السائد بين المسيحيين هو ان يتم الزواج في جو كنسى تحت يد كاهن مشرطن والزواج بالنسبة للمسيحيين رباط مقدس ين الرجل والمراة يصيرا فيه الاثنان جسدا واحدا اذ ليس بعد اثنان وان الذى جمعه الله لا يفرقه الانسان فهو رباط مؤبد يلزم فيه شروط حتى يصير زواجا مسيحيا اما الزواج الذى نسمع عنه الان ليس زواجا مسيحيا ولا يمكن ان نسميه عرفيا بالنسبة للمسيحيين لان الجماعة المسيحية لم تعرفه من قبل ولم يتعارف الناس عليه ولكن هذا الزواج الذى نحن بصدده هو زواج اسلامى متعارف عيه في بعض الدول العربية وهو زواج صحيحا بالنسبة لهم ينشا عنه الاثار القانونيه للزواج اما هنا في مصر حتى المشرع المصرى لم يقره ولم ينشا على مثل هذا الزواج اى اثار قانونية اما بالنسبة لاقبال البعض على هذا الزواج اما للظروف الاقتصادية التى تمر بها الدولة حاليا لان الزواج العرفى قد يكون الى حد ما سهل وغير مكلف اما ان يكون هذا الزواج لرغبة معينة وشهوة معينة ويريد الطرفان اعطاء هذا الزواج بعض المشروعية ولكن هذه المشروعية غير صحيحة اطلاقا في المسيحية وممكن يكون هذا الزواج لغياب الوعي المسيحى في بعض الاحيان وهذا الزواج في المسيحية هو زنا واضح وصريح حيث لا يتوافر فيه الشروط الازمة لقيام رابطة الزوجية في المسيحية فاليحفظ الرب كنيسته من الشرور امير نبيل
+ احنا فى المسيحية ما عندناش حاجه اسمها الزواج العرفى الشباب الىبتلجا للزواج العرفى بتنسى المسيح فى حياتها وبتسئ للمسيحية وللمسيح e.f
+ كل الكلام ده جميل بس الى بيعمل كده بعيد عن الكنيسه فبدال ما الرئ يكون مجرد كلمه ياريت كل واحد يعرف أى حد وقع أو ناوى ياريت يتحرك تجاهه زى مالمسيح أنقذ الموأه التى مسكت فى ذاك الفعل أبراهيم
+ هو فيه مسيحيين بيتجوزوا عرفي دلوقت ؟ انا كنت اعتقد ان الموضوع ماوصلش لكدة انا عن نفسى عمرى ماشفت زواج فى المسيحية كدة
+ انا كنت اول مرة اسمع ان عندنا فى المسيحية زواج عرفى من متكلم فى الكنيسة (دكتور مشهور ) و قال ان احنا عندنا عدد كبير بيتجوزوا عرفى عن طريق محاميين و ذهلت عند سماعى بذلك لأن الزواج عندنا مختلف نهائى فالزواج عندنا ليس مجرد ورقة فالورقة هى مجرد مستند رسمى لكن الصلاة هى الشىء المهم
+ عزيزي صدقني الزواج له جانب مهم اسمه الاشهار والاعلان بهدف اعلام الغير بان الزوج ملتزم بالحياه مع زوجته ورعايتها ومسؤل امام الجميع بثمرة هذا الزواج من اولاد فاين هذا الالتزام الادبي لزواج عرفي تم في السر ثانيا : الزواج المسيحي يعطي استقرار نفسي بالحب وانه لا سبيل لخروج عنه لذا فليس لي ان اتحلل من هذا الارتباط بل بالعكس يجب ان ادعمه واقويه بالحب فاين هذا في الزواج العرفي المبني على ورقة ولو ضاعت او قطعتها اتحلل من التزاماتي ببساطة شديدة فكيف ندعم اسرة قوية

ميشيل فيليب العدرا كليوباترا اسكندرية

+ صرخة نداء الى ابى الحبيب نيافة الحبر الجليل / انبا موسى اقبل ايدى نيافتك وبعد(اخطيت يا سيدنا حاللنى) ارجو التحدث فى موضوع زواج الشاب واعباءة لان الشاب بينحدر بيه الحال ومع عدم قدرتة على تأسيس اسرة اى (شقة وعفش وذهب وحفة خطوبة وحفلة زواج )كل هذة الأعباء وهذة التقاليد التى تهدم الشاب وتجعلة لا يفكر اطلاقا فى الزواج المقدس الكنسى بل تجعلة يفكر تفكير سلبى وانا لم اكن اتخيل ان شبابنا بس ان يفكر فى موضوع الزواج العرفى وانا على ما اعتقد ان السبب الرئيسى هو ضعف الامكانيات من الشاب لذا يلجاء للشيطان ارجو الحل ابنك رمزى
+ عذراً لا أجد تعليقاً أفضل من قول قداسة البابا شنودة الثالث “أن الزواج العرفي هو زني رسمي” ان ما يفعل ذلك هو يخدر ضميرة وهو بذلك متعرج بين الفرقتين كأمرأة لوط وكلنا نعرف ان نهايتها كانت الهلاك المؤكد         فرونيكا
+ انا ايد كلام الاخت مارى ادوارد حوله تكلامه عن هذه الموضوع سلام ونعمه وانا + وجهت نظرى الشخصصيه ان مفيش جواز عرفى الان فى المسيحيه وانا متاكد يقين الثقه انه مفيش جواز عرفى فى المسيحه وانما هذا الجواز فى الديانات الاخرى وكمان هما بيقولوا ده حرام ويعتبر زنى فما بقالك ياخ رومانى هذالكلام فى المسييحه هذا مرفو تماما واللى بيتبع هذا الجولز يعتبر غير مسيحى
+ دة مش زواج دة ذينا لان دة مش محلل دة يعتبر كارسة من الكوارس الجنسية بس متتطورة دة اسمة جنس + ورقة= زواج حرام

قراءة المزيد…

الحب قبل الزواج  ؟؟؟

سؤال من شاب على المنتدى …

هل يوجد حب قبل الزواج وهل يوجد فرق بين الحب والإعجاب وهل يزيد الحب بعد الزواج؟

 ردود الشباب:
” منهما يريد إثبات وجوده و سيطرته على الطرف الآخر سيكون البيت بمثابة كنيسة حقيقية يسكن المسيح فى وسطها. و لو إلتفت كل زوج و زوجة إلى الوصايا التى تتلى عليهم فى صلاة الاكليل (سر الزيجة) و نفذوها سيكون هناك محبة حقيقية بين الأزواج، بل محبة دائمة. ربنا يديم المحبة.
الحب المسيحي حب طاهر وليس كما تراه في العالم او القصص المقروئه او الدراما ولكن مفهوم الحب هو المحبه اي تقارب في المشاعر تقارب في التفكير تقارب في الشخصيه الي الخ.. والمقصود هو حتي تعرف انك تحب قيس مدي المساحه المشتركه والتقارب بينك وبين الطرف الاخر وتسال الي اي مدي كل منكم يستطيع ان يتحمل وان يضيحي وان يعطي في سبيل الطرف الاخر هذا مفهوم المسيحيه الطاهر البعيد عن افكار العلم النجسه التي تفكر في الاخذ دون العطاء والجسد قبل الروح ..اماالاعجاب هو الومضه الاولي او انطباع سريع وعرضي بمعني انك رايت فلان فاعجبك مظهره او اسلوب كلامه اومرحه ولكن هذا ليس حبا ممكن ان نقول انه يصلح ان يكون الخطوه الاولي للتعرف علي الطرف الاخر..اخيك شريف اشكر محبتك
من وجهة نظرى أن ما يطلق عليه حب قبل الزواج ما هو إلا إرتياح نفسى وإنسجام بين الطرفين ولكن الحب ينمو مع الأيام بعد الزواج إذا حاول كل طرف أن يسعد الطرف الآخر ولا يحاول أن لا يطلب ما لنسه. فى الحقيقة كثيراً ما نخطىء فى تعريف الحب فنظن أن الحب معناه عدم القدرة عن الإستغناء عن شخص معين أو نظن أننا لا نستطيع الإستغناء عنه ولكن فى نظرى الحب يعنى منح السعادة للآخر حتى ولو على حساب نفسى.
أكيد الحب قبل الزواج شي جميل لكن ليس هو العامل الأساسي ..لأن الحب كثيرا ما يولد بعد الزواج نتيجة العشرة والمواقف ..من الطبيعي أن أحب من يتعب لأجلي ..من يشعر بمتاعبي ..من يتألم لألمي..
هاى مونمون كان نفسى افيدك بس للاسف انت بتتكلم فى حاجة ما بعترفش بيها لا انا ولا الزمن اللى احنا فيه باى
اكيد في حب قبل الزواج والا مافيش اكتمال للعلاقة الزوجية … بس مش حب افلام الابيض والاسود ولاحب “احمد ومنى” الحب في نظري الشخصي بيت جميل عنوانه “الاعجاب” اللي بيشدك اول حاجة .. مبني على اساسات “الطهارة” اللي بتحافظ عليه من االسقوط .. مبني بأسمنت “الاخلاص” اللي بيضمن استمراره .. لازم كل طوبة فيه تفيد كيانه مش تضره ولو دخلت واحدة تضر تتطحن بخلاط “التفاهم” .. باب البيت من فولاذ “الثقة” عشان يضمن راحة البال .. وطبعا “أن لم يبن الرب البيت فباطلا تعب البناؤون” يعني ماينفعش اي حد تاني هو اللي يجمع ده كله غير ربنا .. ولما تكتمل اركان البيت بيفتتحوه في “الكنيسة” علشان يعيش فيه الزوجين.. ودي اجابة لسؤالك التاني عن الحب بعد الزواج .. افتتاح الحب الكامل في يوم الفرح , افتتاحه والباقي هو تجديدات ورعاية واضافات من وقت للتاني منعا للملل . صلي من اجلي
الحب اساس الزواج الصحيح .. من وجهة نظري الحب بيت جميل لونه”الاعجاب” اللي بيشدك اول حاجة..مبني على أرض “الاحترام” الصلبة .. اساساته من “الطهارة” فلايسقط.. حيطانه من “الاخلاص” فلايتزعزع.. مادة بنائه “نقية” ولو تلوثت ترجع نقية في خلاط ” التفاهم” .. بابه فولاذي من”الثقة” لايسمح بدخول لصوص او اشرار.. سطحه ” الإيمان” اللي يظلل على سكانه.. حديقته “اشجار البر والخير” مثمرة دايما.. سور البيت من “القديسين” نتشفع بيهم .. والبيت ده مافيش غير مهندس واحد اللي بيعرف يجمعه على بعضه ويكمله “ان لم يبن (((الرب))) البيت فباطلا تعب البناؤون” ..ولما يكون جاهز للسكن والمعيشة بيتعمله حفل ((افتتاح)) في ليلة الفرح في الكنيسة .. بعد الزواج وعلشان يستمر جميل لازم من وقت للتاني اضافة جديدة او تجديد او ترميم لاي صدع بسيط فورا وكله تحت الايمان والثقة ولمسة السيد المسيح فيه .. وشركة التأمين على البيت ده اسمها”الصبر والاحتمال” بتضمن تعويضه واصلاحه دايما. اعتقد ان الحاجات دي كلها تبتدي يوم الخطوبة ولو بدأت قبل كده ماتكونش بالصورة اللي فاتت بالظبط … “ماحدش يبني بيت بدون عقد ابتدائي وصورة رسمية قدام الناس”.. قبل الخطوبة ممكن الاعجاب وتفكير في سؤال “ممكن لو ابتدينا نستمر ولا لأ؟؟” صلوا من أجلي
Of course there is love before marriage…. There MUST be love. How can someone make a Lifelong committment to another person without loving this person?? In marriage this love will be nurtured and in the presence of God will grow
أكيد يوجد حب قبل الزواج وأعتقد ان الزواج المبني على غير الحب لا ينجح مهما كانت الاسس التي بني عليها. وأعتقد أيضا أن الحب يجب أن يزيد بعدالزواج لان الزوجين توحدا واصبحا شخص واحد. فيجب على الزواج أن يحب زوجتة ويقدرها كما يحب نفسة تماماوكذلك يجب على الزوجة ان تحب زوجها وتطيعة لأنها وصية الله لهما معا يوم زواجهما بسر الزيجة المقدس.
اعتقد انه لا يوجد مانع و لكن يجب ان يعلم الاهالى بذلك jola
طبعا لازم يكون إعجاب و معرفة و توافق في الأفكار و الميول و ليس الحب كما في الأفلام العربية
بصراحة من رايى انا شايف ان الحب هو فقط حب الله لنا او ممكن يكون من خلال حب الاب لابن او الام لاودها او الاخ لاخيه واخيرا حب الزوج للزوجة والعكس لكن حب الشباب انا شايف ان دة مجرد تعود على روية شخص معين وانت الى بتحسس نفسك انك بتحبة لانك انت الى اديت الايحاح دة لنفسك وطبعا مفيش اعظم من حب يسوع المسيح مخلصنا الصالح لنا وفداة لنا على الصليب .
يوجد حب قبل الزواج و لكنه لا ينجح فى كل الأحوال و الدليل على ذلك أهالينا زمان كانوا بيتجوزوا بدون حب ( جواز صالونات )زى مابيقولوا و الحمدلله 90% علاقات ناجحة. الحب قبل الزواج يربط الشخصين ببعض اكتر و يقوى العلاقة بينهم المهم المحافظة على ذلك الحب و العمل على تقويته لينمو و ينمو…… أنا شخصياتزوجت عن حب قبل الزواج من الكلية و اخى ايضا متزوج عن حب قبل الزواج ايضا من الكلية و الحمدالله بالحب نحاول ان نزيل العقبات التى نواجهها لأن الزواج اكيد لا يخلى من العقبات و المشكلات. و أيضا اريد الأعتراف بأنه لولا تفهم أهلى لموضوع الحب و ثقتهم فى انا و اخى لما كنا هكذا الأن فيجب ان يكونوا الأهل متفاهمين لأن الزمن يختلف.و يكون كل شىء بعلمهم بدلا من فعل الشىء من ورائهم .فبمعرفتهم يقدروا ان يساعدوا الأبناء بأراءهم و يكونوا على دراية بما يحدث.لأن شباب اليوم يستطيع عمل كل شىء فى كل وقت و خصوصا ايام الكلية لأنها مفتوحة و لا يوجد مراقب عليك غير نفسك. أتمنى للكل السعادة.
الحب شىءجميل ومن وجهة نظرى ضرورى أن يكون فى حب قبل الزواج . يبدأ بالاعجاب ثم مع كثرة المواقف وظرف الحياة اما أن يتطور إلى حب حقيقى أو ينتهى ولكن يلزم قبل اتمام الزواج ان يوجد حب حقيقى بمعنى مقدرة كل طرف أن يضحى من أجل الاخر ويحنمل الاخر بكل عيوبه ويبذل كل جهده فى سعادته شكراًً MS/Marica
لا احد يستطيع ان ينكر وجود الحب قبل الزواج وعلى هذا فان كثير من العلاقات تنجح ويتحول الحب الى زواج حب للارتباط ولكن يجب الا نسهب وتنساب مشاعرنا فى علاقة غير محسوبة اخوكم / شريف
اولا : ممكن يكون فيه حب قبل الزواج بس المهم انه يكون صادق ومن الطرفين ثانيا : طبعا فيه فرق بين الحب والاعجاب لان الاعجاب ده بيكون سطحى بمعنى اعجاب بالشكل مثلا اما الحب مفهومه اعمق بكتير وده فى رايى بياخد وقت اكبر وبيحتاج نضج فى التفكير والوعى عشان يكون حب حقيقى . ثالثا : الحب ممكن يزيد بعد الزواج وممكن لا .. ده بيختلف حسب طبيعة كل شخص. هبة
مفيش حاجة اسمها حب فبل الجواز ولو كان فى يبقى حاجة من الاثنين اما فترة مراهقة وهذا يكون لفترة محدودة ولا يعتبر حب ولكن يسمى اعجاب او يكون نقص فى الشخصية وهذا يرجع للمنزل او لشخصيتك او لفقدان الحب ولبعطف من المنزل فتبحثين عنة خارجا